पर्सामा प्रहरी र स्वास्थ्यकर्मीसहित थप २२ जनामा कोरोना संक्रमण

वीरगन्ज । पर्सामा प्रहरी र स्वास्थ्यकर्मीसहित थप २२ जनामा कोरोना संक्रमण पुष्टि भएको छ । वीरगन्ज स्थित नारायणी अस्पतालको प्रयोगशालामा आइतबार राति गरिएको परीक्षणमा ४ जना स्वास्थ्यकर्मी र ४ जना प्रहरीसहित २२ जनामा संक्रमण पुष्टि भएको अस्पतालका मेसु डाक्टर मदन उपाध्यायले जानकारी दिए।

 

पर्साको पोखरीया अस्पतालका १ जना चिकित्सक, १ जना नर्स, १ जना अहेब, नारायणी अस्पतालकी १ जना नर्स गरी ४ जना स्वास्थ्यकर्मीमा संक्रमण पुष्टि भएको हो। यस्तै जिल्ला प्रहरी कार्यालय पर्सामा कार्यरत ४ जना प्रहरी पनि संक्रमित भएको प्रहरी उपरीक्षक गंगा पन्तले जानकारी दिइन्।

म्यानस फर्मा उद्योगका ३ जना कर्मचारी, वीरगन्ज महानगरपालिका वडा नम्बर ११ का ४ जना, वडा नम्बर १२ का २ जना, वडा नम्बर २, ८, १५ र १६ का १\१ जनामा पनि संक्रमण पुष्टि भएको अस्पतालका मेसु उपाध्यायले जानकारी दिए।

थप २२ जनामा संक्रमण पुष्टि भएसँगै पर्सा जिल्लामा संक्रमितको संख्या १ हजार ४८ पुगेको जिल्ला स्वास्थ्य कार्यालय पर्साले जनाएको छ।

प्रतिकृया दिनुहोस्