अमेरिकाको क्यालिफोर्नियास्थित ओकल्यान्डमा अग्निनियन्त्रकहरूले एउटा गाडीमा लागेको डढेलो नियन्त्रणमा लिएलगत्तै एक घाइते परेवाको उद्धार गरेका छन्। इञ्जिन २९ का अग्निनियन्त्रक टोली इस्ट ओकल्यान्डमा सडकमा लागेको आ*गो निभाउन खटिएका थिए। आ*गो पूर्ण रूपमा नियन्त्रणमा आइसकेपछि टोलीले धुवाँका कारण निसास्सिएर अचेत जस्तै बनेको एउटा परेवा गुडिरहेको गाडी नजिकै फेला पारेको थियो।
ओकल्यान्डका अग्निनियन्त्रकहरूले सामाजिक सञ्जाल इन्स्टाग्राममा सार्वजनिक गरेको भिडियो अनुसार, एक अग्निनियन्त्रकले परेवाको चुच्चोमा एउटा सानो अक्सिजन मास्क राखिदिएका थिए। धुवाँका कारण श्वासप्रश्वासमा समस्या भई कमजोर बनेको उक्त चराले अक्सिजन पाएको केही बेरमै स्वास्थ्य लाभ गर्यो। केही मिनेटको उपचारपछि ऊर्जा प्राप्त गरेको परेवा पखेटा फिँजाएर आकाशतर्फ उडेको थियो। जीवजन्तुप्रतिको यो मानवीय कार्यको भिडियो अहिले सामाजिक सञ्जालमा निकै रुचाइएको छ।
प्रतिक्रिया दिन लगइन वा साइन अप गर्नुहोस्
लगइन
प्रतिक्रिया दिन लगइन गर्नुहोस्। खाता खोल्न समस्या भए पासवर्ड बिर्सनुभयो? थिच्नुहोस्।
तपाईंको खाता छैन ? गर्नुहोस् ।
साइन अप
आफ्नो इमेल र सुरक्षित पासवर्ड प्रयोग गरेर खाता खोल्नुहोस्।
पहिले नै खाता छ ? गर्नुहोस् ।
वा यसबाट साइन इन गर्नुहोस्