काठमाडौँ । सूचना तथा सञ्चार मन्त्रालयअन्तर्गत सूचना तथा प्रसारण विभागका नवनियुक्त महानिर्देशक अनुप नेपालले विभागको नेतृत्व सम्हालेका छन्। उनी यसअघि सञ्चार मन्त्रालयको फ्रिक्वेन्सी व्यवस्थापन तथा विश्लेषण शाखामा डिभिजनल इलेक्ट्रोनिक इन्जिनियरका रूपमा कार्यरत थिए।
अनुप नेपाल इलेक्ट्रोनिक इन्जिनियरिङ पृष्ठभूमिका अधिकारी हुन्। उनी मुख्यतः रेडियो फ्रिक्वेन्सी (स्पेक्ट्रम) व्यवस्थापन, फ्रिक्वेन्सी विश्लेषण, रेडियो सञ्चार सेवाको नियमन र सम्बन्धित प्राविधिक पक्षमा विज्ञ छन्।
मन्त्रालयको फ्रिक्वेन्सी व्यवस्थापन महाशाखाअन्तर्गत रहेर उनले आईटीयू रेडियो रेगुलेसनमा आधारित स्पेक्ट्रम व्यवस्थापन, राष्ट्रिय फ्रिक्वेन्सी बाँडफाँट योजना, फ्रिक्वेन्सी इजाजतपत्रसम्बन्धी काम र प्राविधिक विश्लेषणमा अनुभव हासिल गरेका थिए।
सूचना तथा प्रसारण विभागले छापा, अनलाइन र प्रसारण माध्यमको दर्ता/नवीकरण, सरकारी सूचना व्यवस्थापन, प्रेस प्रमाणपत्र जारी, रेडियो/टेलिभिजन प्रसारणको नियमन तथा रेडियो यन्त्रसम्बन्धी काम गर्छ।
प्राविधिक पृष्ठभूमिका अधिकारीलाई विभागको महानिर्देशक बनाइएको यो नियुक्ति विभागको प्रसारण र प्राविधिक पक्षलाई थप सुदृढ बनाउने उद्देश्यसँग जोडिएको देखिन्छ।
प्रतिक्रिया दिन लगइन वा साइन अप गर्नुहोस्
लगइन
प्रतिक्रिया दिन लगइन गर्नुहोस्। खाता खोल्न समस्या भए पासवर्ड बिर्सनुभयो? थिच्नुहोस्।
तपाईंको खाता छैन ? गर्नुहोस् ।
साइन अप
आफ्नो इमेल र सुरक्षित पासवर्ड प्रयोग गरेर खाता खोल्नुहोस्।
पहिले नै खाता छ ? गर्नुहोस् ।
वा यसबाट साइन इन गर्नुहोस्